TO'RSON ODRIIN YARIA

Зиак... Ойрд төрсөн өдрүүд ямар ойр ойрхон болоод байна аа, миний. Нэг мэдэхэд л дахиад нэг төрсөн өдөр. Жаахан байхад төрсөн өдрөө зөндөө их хүлээдэг байлаашд. Хаа байсийн гээд л...

"Амьдралыг элээх тусам амьдралын хурд ихэсдэг" гээл шинэ афоризм, шинэ аксиом зохиож төрсөн өдрөө тэмдэглэлээ шд ккк. Мэнд амоор гээл найз ба найз бус нартайгаа баахан тулгаж, идээний дээдийг лаг ихээр хэрэглээд маргааш өглөө нь юун мэнд амар, үхэнгээ алдав шд.

Бөөлжсөн. Нуугаад яах юм. Уух сонирхолтой ч чадвар хүрдэггүй юм чинь. Уух дуртай пийвээ уух нэг их дургүй архи мархитай холиод л авч өгсөн. Пянгаа мэдэхгүй байж. Хүмүүсийн өмнө хөөрч байхгүй юу.

Ажиглаад байхад хүмүүс өөрөөсөө том болох гэж их үзэх юм. Түүндээ ч өөрсдөө итгэчихсэн байх юм. Тэгээд жаахан халахаараа л яг өөрөөрөө байх шиг. Зовлон жаргалааа яриад.

Зөв байх л даа. Өрсөлдөөний ертөнц Америкт "Би том" гэж л үзэхгүй бол хэцүү. Ер нь хаана ч гэсэн. Гэхдээ ийм "том"-чуудтай ярих үнэн хэцүүтэй. Нэг юм хэлэхээр л аа тийм тийм мэднэ гээд ккк. Гэтэл зарим нь монгол хэлээрээ уншиж, бичиж чадах уу гэмээр хүмүүс.

Хүмүүсийг би хот хөдөөнийх гэж ялгах дургүй. Гэхдээ яг үнэнийг хэлэхэд боловсролын түвшин өөр гэдэг нь мэдэгддэг. Ганц үг цухуйлгахад л мэдэгдэнэ дээ. Түвшин нь. Би яг тэр түвшин, эсвэл арай дээгүүр харьцахад болоод байгаа юм. Гэхдээ нутаг ус, мал аж ахуй яриад унахаар би таг.

Нутаг гэвэл хотын гудамж гэж хэлнэ. Нөгөө хэд инээнэ. Аав, ээж, өвөө, эмээ чинь аль аймаг вэ гэж лавлана. Ядаргаа. Би угсаа гарал энэ тэрээ мэднэ л дээ. Гэхдээ би хэлсэн. Би таньтай адил Монгол улсын иргэн гэж. 3 сая ч хүрэхгүй Монгол улсын иргэний нэг гэж.

Бөх гэхээр л баруун Монголын Баянмөнх, халх Монголын Мөнхбат ч гэх шиг. Ядаргаатай. Хятад хүн ам шиг ямар дэлхийн тавны нэг биш дээ. Юундаа дотроо хуваалцдийм гэсэн чинь буруутваа. Тэднийх ийм, биднийх ийм ч гэх шиг.

Яс юман дээрээ та нарын хужаагийн эрлийзүүд гэж хэлээд байгаа хүмүүс чинь та нарын дээр, та нараас оуюнлаг юм биш үү гэж хэлээд буруутваа. Өөрөө бас хужаагийн эрлийзэд сэрдэгдвээ.ккк.

Сэдвийг солиод урлаг ярив аа. Миний зургуудыг хараад "Чи арай л болоогүй байна даа" гэсэн. Гэтэл би тэр дунд Пикассо, Миро нарын зургийг оруулсан шд. ккк

Болоогүй байна даа хөдөөнийхөн